بحبها قوى & بحبه قوى

أسعد الله أوقاتكم بكل خير
ويارب تكونوا بخير وبصحه وبسعاده

تنويه بسيط : الموضوع حصرى للمنتدى وغير موجود فى أى منتدى لذا يرجى عند نقله ذكر المصدر والمؤلف
فذلك يزيدك مصداقيه

بحبها قوى & بحبه قوى
( عيش الحب بكل معانيه )
الجزء الأول
بحبها قوى


قبل ما تقرأ الموضوع
عايزك تفتكر حبيبتك
وحشاك مش كده
نفسك تشوفها
نفسك تخدها فى حضنك وتقولها أنها وحشاك قوى
طيب تعال نفضفض مع بعض شويه




فاكر لما شفتها أول مره ؟
فاكر لما ضحكتلك وحسيت بعدها أن الدنيا كلها بتضحكلك ؟
فاكر لما كلمتك وحسيت أنك طاير فى السما ومش عارف ترد عليها ؟
فاكر لما قالتلك وهيا مكسوفه أنها معجبه بيك ؟
فاكر لما قولتلها أنا معجب بيكى ؟

بحبها قوى
لما حبيتها كانت حالتك حاله
تحب أقولك كنت بتعمل أيه


* كنت لما بتكلمها بتقول الحقيقه والصراحه لأنك عمرك متقدر تكذب عليها ودا معقول حد يكذب على روحه.

* لما حبيتها كنت بتخاف عليها من الهوا الطاير كنت ممكن لو شفت حد بيبصلها تموته ودا كان ظاهر عليك ومتقدرش تنكره.

* لما حبيتها كنت بتكلمها عن أحلامك فى المستقبل عن أزاى هيكون حالنا بعد الجواز وأزاى هنبنى بيتنا .

* لما حبيتها كنت بتحب تفضل قاعد معاها أو على الأقل باصص عليها من بعيد منتش قادر تسيبها وتمشى .

* لما حبيتها كنت شايف بنات العالم كلهم عاديين وهيا ألى ملكه.

* لما حبيتها كنت بتشكيلها أحوالك وكنت بتفضفض لها لأنها كانت الحمايه والأمان بالنسبالك كنت بتقولها كل همومك وبتحكيلها على كل مشاكلك كنت ممكن تعيط بين أيديها وهيا بطيبتها تمسح دموعك.

* لما حبيتها كنت بتغير عليها ومكنش عندك إستعداد تشوف حد بيكلمها ولو شفت حد بيكملها بتبق عايز تموته.

* لما حبيتها كنت بتقرأ رسايلها 1000000 مره مكنتش بتمل لأنك عارف ان حبيبتك بتكلمك.

* لما حبيتها كنت بتقعد تسمعها وهيا بتكلمك وأنت ساكت ومش عايزها تبطل.

* لما حبيتها كنت بتحب تبص لعنيها لأنك كنت بتلاقى الحب والحنان فيهم.

* لم حبيتها كنت بتفكر فيها فى كل مكان وأن بتذاكر وأنت فى الشارع كنت بتفكر فيها فى كل مكان ودايما كنت سرحان ومحدش عارف أنت سرحان ليه .

* لما حبيتها كنت حنين معاها لدرجه غير عاديه حتى لو شخصيتك عصبيه.

قصه حب

أول يوم فى الجامعه
والأصدقاء بيتعرفوا على بعض
وكان هشام واقف مع زمايله وفجأه

عدت بنت جميله قوى بصطله وهو بصلها
وكأن سهم الحب خرج فى لحظه واحده وأصاب قلبيهما فى وقت واحد

ومع الأيام كان هشام بيشوفها يوميا فى الجامعه وكانت حالته حاله حبها لدرجه الجنون ومش عارف يكلمها ولا يوصفلها مشاعره ناحيتها
كانت لما بتبصله بيحس أن الدنيا كلها ملكه
كان بيحس أنه عايش فى سعاده ليس لها نهايه
كانوا الإثنين بيبصوا لبعض
ياااااااااااااااااااااه
الله عليهم كانوا فعلا بيحبوا بعض من قلبهم
كانوا لما يبصوا لبعض يبعتوا ألف رساله حب بينهم من غير ما يتكلموا
وفضلوا يحبوا بعض وهو مش قادر حتى يكلمها
كان بيخاف عليها من الهوا الطاير
كان لما يشوفها يقولها بعنيه وحشتينى يا أميره قلبى وهيا ترد عليها وتقوله وأنت كمان يا حبيبى.

معقول فى حب بالشكل الجميل ده

طبعا يا شباب لما الواحد بيحب بجد بيبق عايز يعمل أى حاجه عشان حبيبته وأميره قلبه تكون سعيده

نكمل القصه

وتمر الأيام وهما بيحبوا بعض
وجه اليوم ألى قدر يكلمها لأول مره
كلمته
فضل ساكت لمده 10 دقايق مش عارف يرد
ورد عليها وصوته رايح خالص
بقا معقول روح قلبى بتكلمنى أنا مش مصدق
كلمها وهوا مش دارى بالدنيا وحس ساعتها أنها بتحبه فعلا
وفضل قاعد قدمها ساعه كامله
ميتكلموش بالكلام
لكن فى لغه أحلى من الكلام
لغه العيون
اللغه ألى ميفهمهاش إلا الحبيبه بس
كان هو فى سره بيقولها
ضحى أنا مش قادر أستغن عنك
مش قادر أعيش من غيرك
أنتى يا حبيبتىالنور ألى نور حياتى
أنتى يا أميرتى ألى حليتى أيام
أنتى يا جميلتى ألى أدتينى أمان عمرى ما حسيته قبل كده
أنت يا ضحى ألى نفسى اكمل عمرى معاكى

وكانت ضحى على الجانب التانى بتقول

هشام أنا مش قادره اعيش من غيرك
حبيبى وعمرى وحياتى
أنت ألى خليت لحياتى معنى
أنت ألى علمتنى معنى الحب وخلتنى أحسه
أنا بحمدربنا أنى لقيتك يا حبيبى
وحاسه أن ربنا جمعنا مع بعض عشان أحنا أتخلقنا لبعض

ياااااااااااااااااااااااااااااااااااااااااااااه
معقول فى مشاعر جميله كده بين هشام وضحى

وده حال كل الشباب الى بيحبوا بجد
ومرت الأيام وهشام بيحب ضحى ودايما راسم صورتها الجميله فى قلبه
دايما بيدعى أن ربنا يوفقه ويتجوزها ويعيش معاها عمره كله

ولما كانوا يغيبوا فتره عن بعض وهما رايحين الجامعه كل واحد داخل يدور على التانى
ياترى جت ول لأ ؟
ياترى جه ولا مجاش ؟

وفجأه

يلاقوانفسهم قدام بعض
مش عارفين يتكملوا
هو يضحك ويقول وحشتينى يا حبيبتى قوى قوى قوى

وهى ترد وتقوله وحشتنى يا حبيب عمرى
ويفضوا طول اليوم كده
وهما لحد دلوقتى كده
ويارب ما يحرمهم من بعض أبدا


أخواتى وحبايبى

حكتلكوا القصه دى عشان أقولكوا حاجه مهمه قوى أن هشام وضحى حبوا بعض من قلبهم , حبوا بعض حب شريف , حب طاهر مكنش فيه مصلحه ولا سبب وراه , كل واحد منهم عشق التانى
عشق روحه
عشق كلامه
عشق نظرته
عشق كل حاجه فيه
الأثنين بقوا حاجه واحده
هو بيخاف عليها من النسمه
وهيا بتحبه لدرجه الحنون

ودلوقتى جينا للختام
لكن هنفضل نقول
بحبها قوى
ولأول مره هشام وضحى يراسلوا بعض من خلال الموضوع ده

هشام
ضحى حبيبه قلبى أزيك يا قمر
أنتى عارفه يا حبيبتى اليوم بيعدى عليا أزاى
وانتى مش جنبى
وربنا يعلم أنى نفسى أكسر الدنيا وأجيلك
أنا عايز أقولك كل سنه وأنتى طيبه
وربنا يجعلك أيامك كلها سعاده وهنه
ويباركلى فيكى
حبيبك هشام

ضحى
كل سنه وأنت طيب يا حبيبى
ربنا يعلم أنا هتجنن وأشوفك
أنا عايزه الأيام تفوت بسرعه عشان أشوفك تانى
وكل سنه وأنت طيب يا قلبى
ويارب يا هشام تحقق كل ألى نفسك فيه
وتبق حاجه كبيره كده وأفتخر بيك
وربنا يباركلى فيك
حبيبتك ضحى



يارب تكونوا أستمتعتوا بالموضوع ويارب يجعل أيامكوا كلها حب وسعاده