_-+-_ ذنــوب الحـــب _-+-_

لا قلّت أيامه يموت من الغضب ..

و اجمل ذنوبه لا سألته في سؤال ..
من زعلّكـ ؟ و انته مسبب هالعتب ..

و اغرب ذنوبه لا جرحته بالخيال ..
في غيبته .. و اقفى حزين(ن) و اكتئب ..

و اصغر ذنوبه يطلبكـ : يالله تعال ..
و انته بعيد و صوتكـ اقرب .. يا عجب ..!

و اخطر ذنوبه لو شكيت : البعد طال ..
خايف على عينه يداهمها التعب ..

و اصدق ذنوبه لو تناظر به جمال ..
و محرّم ٍ شوفه على بعض العرب ..

و اسمى ذنوبه طيبته و حب الدلال ..
و البعض قاسي و طيبه اقفى او هرب ..

و العن ذنوبه ..: ما تبي منه الحلال ..
و الا الحرام يصير عندكـ مُستحب ..

و ابرأ ذنوبه لو طلبكـ الورد مال ..
و انته فقير و ما معكـ غير الكرب ..

ثما سرقته .. و ما هديته للمنال ..
يمنعكـ شي(ن) في ضميركـ التهب ..

هذي ذنوبي .. عطني بقربكـ مجال ..
جيتكـ و أنا ذنبي أكلني ثم شرب ..

وشهي حلولي دام حبي ما يزال ..
متعلق ٍ فيكـ أنت من بد الصحب ..

اذنبت لكن توبتي اضحت هلال ..
متقلب بعرض السما و ذنبي غلب ..

غنيت بكـ .. يا ليل يا لاله يـ لال ..
ما احلى ذنوب الحب تشكي للطرب ..

اصبحت صحرا و قلبي فـ حبكـ رمال ..
لا هبته منكـ الهبوب .. غار الجدب ..

لو تطلب الفرقا بقول : ابعد محال ..
اطلب عيوني لو تبي .. عز الطلب ..